من القلب

يا ساهر الليل بتناجى فى المحبوب

طالب يرق فيوم بزياره أو مكتوب

تسهر وليلك يطول وحدك حزين مكروب

من الصداع تشتكى ..من العجب هتدوب

تحرق سجاير وتشرب م القهوه عشرين كوب

مره تأنب ضميرك مره تقول راح أتوب

ياهل ترى فيه وسيله وانك صحيح هتوب

ولا السهر كل ليله أصبح عليك مكتوب

وبعد طول السهر وبعد آه وذنوب

يطلع عليك النهار بتحس انه غروب

وان السهر جه أوانه قوم ناجى فى المحبوب

خايف عليك م الليالى هتعيشك مرعوب

خايف أقابلك فى يوم ألقاك تحدف طوب

فى الضهر بتعد النجوم أو ماشى بالمقلوب

أخذت عيناها ورحلت

قالت عليك السلام

حملت أغراضا وتركت

للقلب جرح الخصام

لم أدر ان كنت يقظا(ن)

أم هاذى أضغاث أحلام

أنتى التى أحببتها فوق الورى ؟

أنتى التى كنت بعيناكى أرى ؟

أسترحلين وتتركينى بلا عيون ؟

كيف أرى .. ماذا أرى ؟

وبدون عينيكى الظلام

هذا حرام .. هذا حرام

أبقى عيونى وارحلى

يكفينى قلبا(ن) لن ينام

هل أنتى حبيبى ؟

دوما أسأل هيا أجيبى

هيا فالقلب بأشواقى

مملوؤ والشوق لهيبى

هيا فالعمر بنا يمضى

كنعاج يرعاها الذيب

هل أنتى حبيبى ؟

لا تخشى شيئا وأجيبى

لا تخشى جرحا ستصيبى

فالجرح جوابا يرضينى

والجرح مع الوقت يطيب

هل أنتى حبيبى ؟

آه(ن) لو كنتى تحبينى

آه(ن) لو قلبك يؤوينى

آه(ن) من صمتك يقتلنى

ويزيد ألاما ونحيب

هل أنتى حبيبى ؟

هيا أجيبى .. هيا أجيبى

هيا وكفاكى بتعذيبى

فبدونك لن أحيا تعيسا

والشمس ستأتى وتغيب

هل أنتى حبيبى ؟

وقع القناع

واللى مداريه من كام سنه

أهو بان خلاص

ضيعت عمرك فى الهوا

تكدب تخون..تبكى بعيون

تخدع فى ناس

وفى النهايه أخدت ايه

وقع القناع

وعرفنا كل اللى انت فيه

واللى بقالك كام سنه

عمال ياعينى تخبى فيه

وقع القناع

مع انه كان جامد متين

وقع القناع

وسألنا روحنا انت مين

انت الشيطان ولا بشر

قلبك حرير ولا حجر

يومها انكتب هتعيش حزين

واللى انكتب..قضا وقدر

وقع القناع

وعرفنا كل اللى انت فيه

واللى بقالك كام سنه

عمال ياعينى تخبى فيه

بسحب كلامى اللى كتبته فى حضرتك

لما كتبته مكنتش أعرف نيتك

انك تلاوعى انك تعاندى

انك تمارسى عقدتك

انك تسلى وحدتك

انى أكون واحد جديد

من اللى تاهوا فى سكتك

آسف قوى وبعتذر

انى انخدعت فى رقتك

عيشى حياتك وافرحى

ضمى الحياه يلا اخضنى

لكن بعيد عن مطرحى

عن أى حاجه تخصنى

اوعى فى يوم ألمح عينيك

جايه تزورنى تودنى

مش راح أسامح يوم عينيك

ولا راح أنسى قسوتك

آسف قوى وبعتذر

انى انخدعت فى رقتك

*********************************

جميع الحقوق محفوظه للكاتب

السيد منصور

نظرة عينيك بتقول كلام

أحمل كلام أنا بسمعو

عشق وغرام لهفه وهيام

بيهنوا روحى يمتعوا

من سحرهم بحلم بهم

وغرقت والله فى بحرهم

غمض عينيك فتح عينيك

كدا أو كدا .. بحبهم

نظرة عينيك سعمين جمال

دايما يصيبوا ويجرحوا

وبيدخلوا القلب بدلال

وبيخلعوه من مطرحه

من سحرهم بحلم بهم

وغرقت والله فى بحرهم

غمض عينيك فتح عينيك

كدا أو كدا .. بحبهم

نظرة عينيك جريئه لكن طيبه

تسحر قلوب ودموع عينيها قريبه

من سحرهم بحلم بهم

وغرقت والله فى بحرهم

غمض عينيك فتح عينيك

كدا أو كدا .. بحبهم

للدرجه دى قاسى وعنيد

هو انت ايه قلبك حديد

ليه كل دا وايه السبب

دا أنا شفت فيك معنى العجب

تغلط فى حقى الف مره

ومره الومك تتقلب ياللعجب

انا لو ظلمت فالبادى أظلم

شوف انت مين اللى ابتدى

مين اللى كان واعد ومين

خلف معاده فابتدى

مش مره ولا مرتين

دى حاجه دايمه مؤكده

كتر القساوه تتعبك

توجع فى قلبك تغلبك

على فعلها على لبسها

لحد يوم متحبها

تبقى انت بيها ومنها

وتعذبك شفت العجب؟

صعبه تغير قسوتك

ولا القساوه حكمتك

عمال بتخسر كل يوم

كل اللى خطبوا محبتك

والمشكله